GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Türkiyə Böyük Millət Məclisinin Miqrasiya Komissiyasının sədri Atay Uslu İran hökumətinin xarici qaçqınları Türkiyəyə keçməyə məcbur etdiyini bildirib.
“İran bir çox ölkədən, xüsusilə də Əfqanıstandan gələn mühacirləri qəbul edir. İran sərhədindəki səlahiyyətlilər mühacirləri Türkiyəyə daxil olmağa məcbur edirlər”-deyə o, İranın mühacirlərlə bağlı siyasətini şərh edərkən bildirib.
O, miqrantların həvəsləndirildiklərini, türk əsgərlərinin onlara, özəlliklə qadın və uşaqlara atəş açmayacaqlarından arxayın olduqları üçün qaçqınları ailələri ilə birgə Türkiyə sərhədinə yönəldiklərini deyib.
