GADTB: bu gün, iyunun 16-da İranın Mərivan, Sənəndəc, Saqqız, Bukan, Əndimeşk, Həmədan, Sari, Kaşmer, Kərəc, Bicar, Abdanan, İslamabad-e Qərb, Sərdəşt (Sarı daş), Kərəc, Hərsin, Rəşt, Məlayer şəhərlərində, habelə Ərdəbil, Zəngan, Çahar Mahal və Bəxtiyari, Kermanşah və Mazandaran əyalətlərinin təhsil idarələrinin önündə müəllimlərin etiraz aksiyaları baş tutub.
Sosial mediada yayılan görüntülərə görə, etiraz aksiyalarının təşkil edildiyi şəhərlərdə hökumət ciddi təhlükəsizlik tədbirləri görərək, aksiya yerinə çoxlu sayda canlı qüvvə yeridib.
“HRANA” xəbər ajansı bildirib ki, son 24 saat ərzində 10 həmkarlar ittifaqı fəalı Saqqız və Divandərə şəhərlərində hökumət qüvvələri tərəfindən həbs edilərək naməlum yerə aparılıb.
Qeyd edək ki, narazı elm xadimləri “müəllimlərin təsnifatlandırılması qanunu”nun tam icrasını və zindandakı müəllimlərin təcili şəkildə azadlığa buraxılmasını tələb edirlər.