İranın Ətraf Mühitin Mühafizəsi Təşkilatı: Urmiya gölü problemi böhran həddinə çatıb

İranın vitse-prezidenti və Ətraf Mühitin Mühafizəsi Təşkilatının sədri Əli Selaceqe deyib: “Urmiyada ciddi problemlərimiz var və böhran sərhəddinə çatmışıq. Urmiyanın su kvotası var və təcili şəkildə müəyyən edilməlidir”.

“Jamaran” saytının xəbərinə görə, o, habelə qeyd edib ki, ölkənin su təchizatının vəziyyəti ilə bağlı qırmızı işıq yandırılıb.

Qeyd edək ki, bir müddət öncə İranın Ətraf Mühitin Mühafizəsi Təşkilatının daha bir rəsmisi də bildirib: “Urmu gölünün su kvotası tam təmin olunmazsa, bu günlərdə Urmiya gölünün kritik vəziyyəti ilə bağlı, bu göl tədricən mövsümi bataqlığa çevriləcək”.

Urmiya gölünün qurudulması ilə bağlı xəbərdarlıq insan haqları və ekologiya təşkilatları ilə yanaşı Güney Azərbaycanın milli və vətəndaş cəmiyyəti fəalları tərəfindən də dəfələrlə səsləndirilib./Azad İran