İrqçi fars rejimin rəsmisindən Urmiya gölündə genetik mutasiya barədə etiraf

GADTB-nin Mətbuat Mərkəzinə daxil olan məlumata görə, irqçi fars rejiminin Ətraf Mühit Təşkilatının rəisi İsa Kələntəri Urmiya gölünün qurumasının bölgədə genetik mutasiyalar əmələ gətirəcəyinə etiraf edib.

İsa Kələntəri Zəncan Universitetində təşkil olunan mərasimdə deyib: “3 il əvvəl gölün qurumasının səbəbi haqda elmi araşdırma aparıldı. Araşdırmanın nəticəsi göstərdi ki, gölün 18%-nin qurumasında iqlim dəyişikliyi, 82 %-in qurumasında isə insan amilinin rolu var”.

Qeyd edək ki, Urmiya gölü irqçi fars rejimi tərəfindən qurudulandan sonra bölgədə genetik mutasiyanın olmasına dair sübutlar tapılıb. Hətta bir neçə il əvvəl həddindən artıq böyümüş qarğalar və s. sübutlar Urmiya gölü ətrafında müşahidə edilmişdi.