GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, 2018-ci il dekabrın 7-dən 11-dək Türkiyənin İstanbul şəhərində Güney Azərbaycana aid türkcə film günləri keçiriləcək.
Festival “İran kinoteatrından türkcə film günləri” adı altında Yeşilcam kinoteatrında keçiriləcək.
Festival çərçivəsində Güney Azərbaycanda çəkilmiş hər gün saat 19:00-da bir uzun metrajlı türkcə filmlər nümayiş etdiriləcək. Festivalın ilk günündə Əsğər Yusifinəjadın “Ev” filmi, ikinci gündə isə Ərk qardaşlarının “Soyuq” filmi, üçüncü gündə isə “Rəhbər Qənbərinin “O” və dördüncü gündə mərhum Yədulla Səmədinin “Saray” filminin nümayiş etdiriləcəyi bildirilir.
Festivalda Güney azərbaycanlı rejissorların 17 filmi nümayiş etdiriləcək: nümayiş etdiriləcək filmlərin siyahısına daxildir: “Murdar” (Bəhram və Bəhmən Ərk), “İkinci qat” (Rza Cəmali), “Gələcək” (Həmid Əzizi), “Mən İsmətəm” (Leyla Novruzi), “Oyan” (İsmayıl Münsüf), “Qarlı damlar” (Haydə Muradi), “Qaral” (Qadir Fərivər), “Körpü” (Rza Cəmali), “Gün yanığı” (Bəhram və Bəhmən Ərk), “Ətirşahların qışı” (Leyla Əhədi), “Tanı” (Davər Nəcəfi), “Son namaz” (Möhsün Xan Cahani), “Közmək” (Əlirza Səlmanpur).
Festivalın 2-ci günündə İran və Türkiyənin tənqidçi rejissorları Ehsan Kabil, Kamil Əngin, Rza Siyami və Rza Oylumun qatılımı ilə İranda türk kionusu və onun perspektivləri mövzusunda iclas keçiriləcək.
Festival çərçivəsində Güney Azərbaycanın Təbriz, Urmiya və Ərdəbil şəhərlərində məşhur məkanlar və binalar mövzusunda fotosərgi də keçiriləcək. Sərgidə Fəyyaz Bəhram, Səccad Radpur, Damla Həsənxanlı, Dohid Nayebi, Hüseyn Vahidi, Murtaza Pursəmədi, Məhəmməd Həmidi, Mehdi Əmirpur, Aydın Təbrizi, Sabir Qazi və Mehdi Meymənədi kimi fotoqrafların əsərləri sərgilənəcək.
