GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Kazanda martın 21-dən 25-dək Beynəlxalq Türk Kinosu Festivalı keçiriləcək. İlk dəfə keçiriləcək Beynəlxalq Türk Kinosu Festivalında Azərbaycan Respublikası da təmsil olunacaq.
Festivalda Azərbaycanla yanaşı, Türkiyə, Rusiya, Qazaxıstan, Qırğızıstan, Özbəkistan və Türkmənistan nümayəndələri də iştirak edəcək.
İştirakçılar, həmçinin Novruz bayramı şənliklərinə də qatılacaqlar.
Festival çərçivəsində müxtəlif ölkələrin kinematoqrafçıları ilə yaradıcılıq görüşləri keçiriləcək. Tatarıstanın müxtəlif şəhərlərində və bölgələrində festival filmlərinin nümayişi də nəzərdə tutulur.
