GADTB Güney Azərbaycan Demokratik Türk Birliyi
GADTB: “Koroğlu” tamaşası geniş ictimai maraqla qarşılanaraq Azərbaycan teatrında yeni rekorda imza atıb və tamaşaçı sayı 15 min nəfəri keçib.
Bu uğur, bundan əvvəl Təbriz Şəhər Şurasının bəzi üzvləri tərəfindən irəli sürülən tənqidlərə və tamaşanın məhdudlaşdırılması yönündəki cəhdlərə baxmayaraq əldə olunub. Lakin tamaşa ətrafında yaradılmaq isənilən “həyəcan”a rəğmən, ictimaiyyətin böyük marağı göstərdi ki, Azərbaycan xalqı üçün mədəniyyət, sənət və tarixi irs hansı önəm daşıyır.
Təbriz və Azərbaycanın müxtəlif şəhərlərindən tamaşa salonlarına üz tutan seyrçilərin çoxluğu insanların öz milli kimliyi və mədəni dəyərləri ilə güclü bağlılığını bir daha ortaya qoyub. Məlumatlara görə, tamaşaya olan maraq getdikcə artır və “Koroğlu”nun son illərin ən çox izlənilən səhnə əsərlərindən birinə çevriləcəyi proqnozlaşdırılır.
