Çərşənbə axşamı , Yanvar 18 2022
azfa

Koronavirus təhlükəsilə bağlı məzuniyyətə buraxılmış Kiyanuş Aslani yenidən zindana qaytarıldı

GADTB-nin Mətbuat Mərkəzinə daxil olan məlumata görə, koronavirus təhlükəsilə bağlı məzuniyyətə buraxılmış Kiyanuş Aslani həbs cəzasının qalan hissəsini çəkmək üçün Evin zindanına qaytarılıb.

Azərbaycanlı vicdan məhbusu Kiyanuş Aslani dekabr ayının 6-ı axşam saatlarında məzuniyyətinin bitdiyi üçün yenidən Tehranın Evin zindanına qayıdıb.

Qeyd edək ki, Kiyanuş Aslani oktyabr ayının 19-da 250 milyon tümənlik zəmanət qarşılığında məzuniyyətə buraxılmışdır. Azərbaycanlı fəalın məzuniyyət müddəti koronovirus xəstəliyinin geniş yayılması səbəbindən yenidən uzaldılmışdı.

Azərbaycanlı fəal Kiyanuş Aslani, Tövhid Əmir Əmini ilə birlikdə 2019-cu il fevralın 21-də Beynəlxalq Ana Dili Günü münasibəti ilə Tehranda posterlər payladıqları üçün irqçi fars-molla rejimin təhlükəsizlik qüvvələri tərəfindən yaxalanmışdır.

Rejimin Tehrandakı İnqilab Məhkəməsi azərbaycanlı fəalları şərləyərək “Milli təhlükəsizliyi pozmaq məqsədi ilə toplaşma” və “Sistemin əleyhinə təbliğat aparmaq”da ittiham etmişdir.

Azərbaycanlı fəal Əmir Əmini 7 il 6 ay, Aslani isə 5 il həbsə məhkum edilib. Kiyanuş Aslani həmçinin 2 il müddətinə bütün qeyri-hökumət təşkilatlarına üzv olmaq hüququndan məhrum edilib.

Həmçinin yoxlayın

Baxımsızlıq üzündən Məşrutə rəhbəri Baqir xanın evi narkomanların sığınacaq yerinə çevrilib

GADTB-nin Mətbuat Mərkəzinə daxil olan məlumata görə, İran rejiminin Azəırbaycana və onun milli qəhrəmanlarına ayrıseçkilik …

İranın erməni sevgisi; “Hayqaşen” şəhərciyi- Tehranın ermənilərə “xüsusi qayğısının” bariz nümunəsi

GADTB-nin Mətbuat Mərkəzinin “Azad İran”a istinadən yaydığı məlumata görə, İranda erməni katoliklərinin Royan şəhərində yerləşən …

Bir cavab yazın