GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejimi iyulun 7-də Güney Azərbaycan Milli Hərəkatının fəalı Səid Minayiyə qarşı irəli sürülən “ölkənin daxili və xarici təhlükəsizliyinə qarşı toplaşmaq və əlbir olmaq” ittihamı üzrə məhkəmə iclası keçirilib.
Məlumata görə, məhkəmə iclası Tehran İnqilab Məhkəməsinin 15-ci bölməsində baş tutub və iclasa xüsusi qəddarlığı ilə tanınan hakim Əbulqasim Sələvati sədrlik edib.
Qeyd edək ki, azərbaycanlı milli fəal fevralın 6-da Bünab şəhərində rejimin ETTELAAT İdarəsinə çağırıldıqdan sonra həbs olunub. Daha sonra Tehrandakı Evin zindanına aparılıb. Azərbaycanlı fəal martın 13-də girov qarşılığında zaminə buraxılıb.
