GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejimi tanınmış azərbaycanlı yazıçı və şairi Nigar Xiyavini İran Təbrizdə yerləşən ETTELAAT İdarəsinə çağırıb.
Yazıçının ailəsinin verdiyi məlumata görə, avqustun 15-də ETTELAAT məmurları Nigar Xiyaviyə zəng edərək Təbrizdə rejimin ETTELAAT idarəsinə getməsini istəyiblər.
Bildirilib ki, telefon zəngindən qısa müddət sonra məmurlar onun evinə hücum edərək axtarış aparıb, ona məxsus şəxsi əşyaları, o cümlədən kitablar, komputer və mobil telefonunu müsadirə ediblər.
Dindirilmək üçün idarəyə aparılan Nigar Xiyavinin hələlik həbs edilib və ya sərbəst buraxıldığı barədə dəqiq məlumat almaq mümkün olmayıb.
Qeyd edək ki, avqustun 14-də də başqa yazıçı və fəal xanımlar da ETTELAAT-a çağırılıb və bir neçə saatlıq sorğu-sual edildikdən sonra sərbəst buraxılıb. Onların ETTELAAT İdarəsinə şağrılması Urmiya gölünün qurudulmasına etiraz etmələridir.
