GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejimi Qaşqay türkü olan 4 qız noyabrın 15-dən həbs edib.
Şirazda həbs edilən türk qızlardan heç bir xəbər-ətər yoxdur.
Qaşqayların Kəşkuli tayfasından olan Fatimə Səfərirad (16 yaşlı) bacısı Qəzəl Səfərirad, onların əmisi və bibisi qızları Sara Səfərirad və Zəhra Ətayi (20 yaşlı) noyabrın 15-də İranın təhlükəsizlik qüvvələri tərəfindən oğurlanaraq, Şirazdakı Adilabad zindanına köçürülüblər.
Qaşqay qızlar barədə əldə edilən yeganə xəbər odur ki, SEPAH zabitləri Saradan məcburi etiraf alaraq Şirazın əyalət telekanalında yayımlayıblar. Qızlar “Əlbir olaraq ölkənin təhlükəsizliyini pozmaq məqsədi ilə toplaşmaq”da ittiham olunurlar. Onların ağır işgəncələr altında dindirildiyi bildirilir.
Etirazçı qızlar ailələri ilə görüşmək və əlaqə saxlamaq hüququndan məhrum ediliblər.
