GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İran qüvvələrini Suriyanın qərbinə, İsrail sərhədləri yaxınlığına yerləşdirib. Bu barədə İsrailin “12-ci kanal”ı görüntü yayıb.
Bildirilib ki, İran qüvvələri Suriyada mövqelərini fotoda göründüyü kimi dəyişdirib.
Bundan əlavə, İran qüvvələrinin Qolan təpələrinə yaxın ərazilərdə hərəkəti müşahidə olunub.
Digər tərəfdən də Tehrandan bütün sərnişin uçuşlarının təxirə salındığı bildirilir.
Ötən gecə Tehrandakı İmam Xomeyni Beynəlxalq Hava Limanından bütün uçuşlar təxirə salınıb.
Bununla bağlı, “Açıq Mənbə Kəşfiyyat Monitoru” “X” hesabında paylaşım edib. Məlumata görə, uçuşların bu gün günortaya qədər həyata keçiriləcəyi ehtimal edilir.
Qeyd edək ki, bu cür uçuş gecikmələri və ləğvlər bölgədəki hava limanlarında son bir neçə gündür ki, davam edir.
Yaxın Şərqdə artan gərginlik, İran və onun terrorçu qüvvələrinin İsrailə hücum ehtimalı buna səbəb olub.
