GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, “Etthad-e Kargaran” saytı xəbər verir ki, bu gün İranda keçirilən parlament seçkilərində iştirak etmək üçün təbrizli işçilərə təzyiq göstərilib.
Bu haqda “Advin Plastik” zavodunun işçiləri sosial mediada paylaşım ediblər.
Onların sözlərinə görə, zavod rəhbərliyi işçilərdən Təbrizdən olan namizədlər Əlirza Munadi Sefidan və Nasir Pərniyana səs vermələrini, əks halda işdən qovulacaqları ilə təhdid olunduqlarını bildiriblər.
“Səs verdiyimizdən arxayın olmaq üçün adları çəkilən namizədlərə səs verməyimizi göstərən seçici bülleteni və şəxsiyyət vəsiqəmizin fotosunu çəkib göndərməyimizi tələb ediblər”,- deyə, paylaşımda qeyd olunub.
