Molla rejimin azərbaycanlı fəallara qarşı təzyiq və təhdidləri davam edir

GADTB-nin Mətbuat Mərkəzinə daxil olan məlumata görə, irqçi fars-molla rejimin həbs etdiyi azərbaycanlı fəallara qarşı təzyiq və təhdidləri davam edir.

Azərbaycanlı milli fəallar Təbrizdə rejimin ETTELAAT İdarəsinin təcridxanasında davamlı işgəncə və təhdidlərlə qarşılaşır.

Azərbaycanlı milli fəallardan Araz İbrahimnejadın fiziki və psixoloji işgəncələr nəticəsində iki dəfə infarkt keçirdiyi, Yürüş Mehrəlinin də ciddi işgəncələrə məruz qaldığı qeyd edilir.

Eyni zamanda azərbaycanlı fəallar Əmir Hüseyn Qadirinin atası onun çoxsaylı fiziki işgəncələrə məruz qaldığını, digər məhbuslardan Davud Şiri, Əli Babayi, Məhəmmədrza Müvəhhid və Cavad Sudbərin saxta ittihamları etiraf etmək üçün çoxsaylı təhdid və işgəncələrə məruz qaldığını bildirib.

Qeyd edək ki, azərbaycanlı milli fəalların ETTELAAT tərəfindən həbs edilməsindən 3 aya yaxın vaxt keçməsinə baxmayaraq, onlara hələ də ailələri ilə əlaqə saxlamağa icazə verilmir.