Çərşənbə axşamı , Noyabr 17 2026
azfa

Molla rejimin İranda yaşayan yəhudilərə təzyiqi artdı

GADTB: İran parlamentinin yəhudi millət vəkili Həmayun Sameyəh Nəcəfabadi ETTELAAT (Təhlükəsizlik və Kəşfiyyat) Nazirliyinə çağırılıb. Bununla bağlı, o, yaydığı açıq məktubda məlumat verib.

Deputat bildirib ki, ETTELAAT Nazirliyinin əməkdaşları ilə görüşlər İranda yaşayan yəhudilərin İsrailin farsdilli kanallarında paylaşımlara şərh yazması və bəyənməsi ilə bağlı aparılan araşdırmalar çərçivəsində baş verib.

Bu görüşlər yəhudi vətəndaşların sosial media davranışı ilə bağlı “təhlükəsizlik narahatlıqlarının aradan qaldırılması” məqsədi daşıyıb.

Nəcəfabadi yəhudi icmasının üzvlərini İsrailə məxsus və ya onunla əlaqəli media kanallarını izləməkdən, abunə olmaqdan və onlarla ünsiyyətdən çəkinməyə çağırıb. O, xəbərdarlıq edib ki, bu fəaliyyətlər davam edərsə, həmin şəxslərə qarşı hüquqi proseslər başlaya və işlərin araşdırılması prosesini “daha da çətinləşdirə” bilər. /Azad İran

Həmçinin yoxlayın

Səhənd stadionu “Traxtur” komandasına verilir

GADTB: Təbrizin 70 min nəfərlik Səhənd stadionu “Traxtur” İdman Klubuna verilir. Bu haqda İran İdman …

İran zindanlarında məhbuslar çörək dilənirlər

GADTB: “Iran Wire” nəşri Tehran və Evin zindanlarında qida çatışmazlığı və məhbusların istismarı ilə bağlı …