GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejiminin Ərdəbildə öldürdüyü şagirdlərin ikisinin kimliyi məlum olub.
Oktyabrın 12-də Ərdəbil şəhərinin “Şahid” orta məktəbində hökumət məmurlarının öldürdüyü məktəblilərdən ikisinin kimliyi bəlli olub.
Onlar azərbaycanlı məktəbli qızlar Aytək Duzduzani və Əsra Pənahidir. Öldürülən daha bir şagirdin isə hələlik kimliyi məlum deyil.
Artıq Əsra Pənahi Xanqah adlı yeniyetmənin dəfn mərasimi oktyabrın 14-də keçirilib və o, Ərdəbilin Əliabad qəbristanlığında dənf edilib.
Qeyd edək ki, Ərdəbil molla rejimi məktəbliləri toplayaraq valideynlərin icazəsi olmadan hökuməti himayə məqsədilə mitinqə aparıblar. Azərbaycanlı şagirdlər isə “Rədd olsun diktatura” şüarı səsləndiriblər. Bu zaman rejimin məmurları vəhşicəsinə şagirdlərə hücum edib, bir neçə şagirdi öldürüb, çox sayda şagirdi yaralayıb və ya həbs ediblər.
