Moskvada Suriya barədə mühüm türk-rus razılaşma

GADTB-nin Mətbuat Mərkəzinə daxil olan məlumata görə, İdlibdə bütün hücumların əsas səbəblərindən biri də M5 magistralının tutulması idi.

Bu sözləri türkiyəli ekspert Ceyhun Bozqurd ötən gün Moskvada keçirilən Ərdoğan-Putin görüşünü şərh edərkən deyib.

“Əsəd rejimi üçün bu yol çox önəmlidir. Çünki Hələbdən Dəməşqə, Xümsə gedən istiqamətdir. Strateji önəmi ilə yanaşı, eyni zamanda, ticarət yoludur. Məsələn, Hələbdən gələn gəlir rejim üçün çox böyük maliyyə mənbəyi ola bilərdi. Ölkədə çox ciddi gərginlik var və bunu həll etməli idi. Burada anlaşılan budur: M5-lə bağlı hər kəs mövqeyini qoruyacaq. M4 magistralını Türkiyə müəyyən yolla əldə saxlayacaq, çünki bölgədəki insanların təhlükəsizliyi üçün önəm kəsb edir”, – deyə Bozqurd bildirib.

Qeyd edək ki, Ərdoğanla Putinin İdlib razılaşmasına görə, M4 magistralı rus və türk əsgərlərin nəzarətində olacaq.