Nərgiz Məhəmmədi İran rejiminin mıktəbliləri qəsdən zəhərlədiyini deyir

GADTB-nin Mətbuat Mərkəzinə daxil olan məlumata görə, Güney Azərbaycandan olan hüquq müdafiəçisi Nərgiz Məhəmmədi qızların təhsil aldığı orta məktəblərdə kütləvi zəhərlənmələrə görə İran hakimiyyətinin məsuliyyət daşıdığımı deyib.

Hazırda Tehranın Evin həbsxanasında 10 il 8 ay həbs cəzasını çəkməkdə olan Nərgiz Məhəmmədi bu barədə bəyanat yayaraq bildirib: “Qadın və qızlar etiraz aksiyalarında fəal iştirak etdiyinə görə, İran hökuməti onlardan qısas alır və qızların təhsildən uzaqlaşdırılmasına çalışır”.

Hüquq müdafiəçisi İran hakimiyyəti ilə Taliban hökumətinin qadınlara qarşı mövqelərinin eyni olduğunu deyib: “Hər ikisi də mahiyyətcə eynidir. Sadəcə Taliban qadınlara qarşı mövqeyini tribunalardan bəyan edir, İran hökuməti isə bunu məkrli siyasətlə həyata keçirir”.