GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanın Ocan şəhərində Babək qalasına yürüşə çağırışla bağlı posterlər yayılıb.
Azərbaycanlı milli-mədəni fəallar Təbriz və Ərdəbil, Sulduz və Urmiyadan sonra bu şəhərdə əhalini illik Babək Qalası Qurultayına Çağırış etmək məqsədilə çox sayda posterlər divarlara yapışdırıblar. Onlar əhalini həmin qurultaya qatılmağa dəvət ediblər.
Şəhərin divarlarına yapışdırılan posterlərdə “Ata Babəkin doğum günü qutlu olsun”,
“Biz birlikdə güclüyük
Könlüm istər gəlsin hər yandan Azərbaycan səsi
Səslənəndə can bağışlar canlara canan səsi
İlqara and içmişik biz, öldü vardır döndü yox
Ta azərbaycanlı var batmaz Azərbaycan səsi
Qalasında Babəkin səs batmayıbdır indidə
Vardı daiç Babəkilə bağlanan peyman səsi” şüarları yazılmışdır.
Bundan öncə Təbriz, Ərdəbil, Sulduz və Urmiya şəhərlərində oxşar aksiyalar keçirilib və azərbaycanlılar Babək qalasında Babək qurltayına çağrılıblar.
İran rejimi isə müxtəlif yollarla azərbaycanlıların qurultaya qatılmasına mane olmağa çalışır. Bununla bağlı artıq rejim müxtəlif şəhərlərə azərbaycanlı fəallara qarşı təzyiqlərə başlayıb.
