GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, dünən Urmuiyada Babək qalasına yürüşə çağırışla bağlı posterlər yayılıb.
Azərbaycanlı milli-mədəni fəalları şəhərin əksər bölgələrində illik Babək qalasında keçiriləcək Babək Qalası Qurultayına çağırışla bağlı çoxsaylı posterlər hazırlayıb şəhərin müxtəlif yerlərində yaymaqala əhalini quruktaya qatılmağa çağırıblar.
Şəhərin divarlarına yapışdırılan posterlərdə “Babək qalası, tariximizin böyük kişisi Babək Xurrəmdinin doğum gününün ildönümündə 1 iyul 2022-də görüşərik. Azərbaycan Milli Hərəkəti- Urmiya” şüarı yazılıb.
Qeyd edək ki, bundan öncə Təbriz Ərdəbil və Sulduza da oxşar posterlər divarlara yapışdırılaraq Babək qalasına yürüşə çağırış edilmişdi.
İran rejimi müxtəlif yollarla azərbaycanlıların qurultaya qatılmasına mane olmağa çalışır. Bununla bağlı artıq rejim müxtəlif şəhərlərə azərbaycanlı fəallara qarşı təzyiqlərə başlayıb.
