Pit Heqset: İran rejimi ABŞ gəmilərinə atəş açarsa, neft tankerlərini məhv edib batıracağıq

GADTB: ABŞ-ın müharibə naziri Pit Heqset ABŞ Mərkəzi Komandanlığının İran rejiminin neft tankerlərindən ibarət donanmasına qarşı hücumla bağlı paylaşımını yenidən yayımlayaraq xəbərdarlıq edib ki, ABŞ Hərbi Dəniz Qüvvələrinin gəmilərinə qarşı hər hansı atəş açılmasına rejimin neft tankerlərinin məhv edilməsi ilə cavab veriləcək.

Heqset vurğulayıb ki, İran rejiminin neft tanker donanması müdafiəsizdir və ABŞ-ın hava, dəniz və sualtı qüvvələri ABŞ Mərkəzi Komandanlığının (CENTCOM) və Sakit Okean Komandanlığının əməliyyat bölgələrində bu gəmilərin hamısını hədəfə almaq imkanına malikdir.

Pit Heqset deyib: “Məsələ sadədir: İran rejimi ABŞ gəmilərinə atəş açarsa, biz onun neft tankerlərini məhv edəcək və batıracağıq. Onların etməli olduğu yeganə şey ABŞ Hərbi Dəniz Qüvvələrinə atəş açmamaqdır.

İran rejiminin neft tanker donanması müdafiəsizdir. İran rejiminin nə hərbi dəniz qüvvələri, nə də hava qüvvələri var. Bizim təyyarələrimiz, gəmilərimiz və sualtı qayıqlarımız ABŞ Mərkəzi Komandanlığının və Sakit Okean Komandanlığının əməliyyat bölgələrində onların hamısını hədəfə ala bilər.”