GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejimin ögey münasibəti nəticəsində Qaradağ meşələri məhv edilməkdədir. Diqqətsizlik və Qızılqarın kəpənəkləri Qaradağ meşələrini məhv olma təhlükəsi ilə qarşı-qarşıya qoyub.
Elmi adı Euproctis chrysorrhoea olan Qızılqarın kəpənək zərərverici həşəratı ağacların yarpaqlarını yeyərək meşənin ağaclarını yarpaqsız hala gətirir və bir sonrakı mərhələdə digər həşəratlərin yaşamına zəmin hazırlamaqla meşəni tamamı ilə yox olmaq təhlükəsi ilə qarşı-qarşıya qoyur.
Əhər şəhərinin millət vəkili Əhəd Məhərrəmzadə Mehrnews xəbər agentliyinə deyib ki, Əhər və Fındıqlı meşəsində geniş miqyasda yayılan Qızılqarın kəpənək zərərvericisi bölgənin əkinçiliyinə koronavirusdan daha çox zərər verib.
O deyib: “Əhər şəhərinin Fındıqli meşəsindəki Qızılqarın kəpənək zərərvericisinə yoluxmuş ərazilərdə havadan zəhər püskürtməyə ehtiyacımız var, çünki bu zərərvericinin yayılması bu şəhərin meşələrinə düzəlməz bir şəkildə zərər verə bilər”.
İran Meşə Mühafizəsi İdarəsinin direktoru Davər Namdar isə Əhər bölgəsinin meşələrinin 500 hektarında bu zərərvericinin yayıldığını və ağaclara ciddi zərər verdiyini açıqlayıb.
