Qaşqay türklərinin görkəmli musiqiçisi Furud Qorginpur vəfat edib

GADTB-nin Mətbuat Mərkəzinə daxil olan məlumata görə, Qaşqay türklərinin görkəmli musiqiçisi, skripka və kamança ifaçısı Furud Qorginpur dünyasını dəyişib.

Musiqi ustadının 2019-cu ilin son günündə Tehranda ürək tutmasından vəfat etdiyi bildirilir.

Furud Qorginpur uşaqlıq yaşlarında akkordeon öyrənməklə musiqi sənətinə qədəm qoyub və 1975-ci ildə Tehran Universitetində musiqi üzrə təhsilini bitirdikdən sonra kamança ifa etməyə başlayıb. Sonrakı illərdə ölkə daxilində keçirilən festivallarda kamança və skripkada solo ifaçısı kimi birinci yerə layiq görülüb.

Ustad Furudun həyat yoldaşı Əfanə Cahangiri də Qaşqay türklərinin məşhur müğənnilərdəndir.

Mərhum Furud Qorginpurun atası Həbib setar ifaçısı olub. Həbibin Mustafa, Furud, Fərhad və Pəriçöhr adlı 4 övladı olub. Həbib Qorqinpurun bütün övladları musiqiçi olublar.

Furudun qardaşı Fərhad Qorginpur ötən ilin noyabr ayında Şirazda vəfat etmişdi.

Həmçinin yoxlayın

İnsan haqları təşkilatları İranda icra edilən edamlara etiraz edib

GADTB: 12 insan haqları təşkilatı İranda yeni edam dalğasını dəhşətli hal kimi qiymətləndirərək birgə bəyanat …

Molla rejimi Türkiyəyə qarşı mərkəzi yaradır

GADTB-nin Mətbuat Mərkəzinə daxil lan məlumata görə, irqçi fars-molla rejimi Güney Azərbaycanda Türkiyəyə qarşı siyasi-ideoloji …

Bir cavab yazın