Çərşənbə axşamı , Sentyabr 27 2022
azfa

Qazaxıstanda Xəzərin hüquqi statusu ilə bağlı görüş keçiriləcək

GADTB-nin Mətbuat Mərkəzinin əldə etdiyi məlumata görə, “Xəzəryanı ölkələr avqustda keçiriləcək sammitdə Xəzərin hüquqi statusuna dair konvensiyanın qəbulu məsələsi üzərində işləyir”. Bunu Rusiya xarici işlər nazirinin müavinin Qriqori Karasin bu gün Dövlət Dumasında çıxışında deyib.

Onun sözlərinə görə, hazırda tərəflər (Rusiya, Azərbaycan, iran, Qazaxıstan və Türkmənistan) arasında intensiv iş aparılır.

“Xəzərin hüquqi statusuna dair konvensiyanın hazırlanması üçün xüsusi işçi qrup yaradılıb. İşçi qrup bir sıra mübahisəli, aydın olmayan məsələlərin həlli ilə məşğuldur. Konvensiyanın qəbulu bir çox suallara cavab tapmağa, o cümlədən resursların istifadəsinə dair mübahisələrin həllinə imkan verəcək”, – deyə Q. Karasin bildirib.

O deyib ki, “Xəzər beşliyi”nin sammitinin bu ilin avqust ayında Qazaxıstanda keçirilməsi planlaşdırılır: “Biz bütün tərəflərlə konvensiyanın növbəti sammitdə qəbul olunmasına ciddi hazırlaşırıq”.

Qeyd edək ki, ötən gün Qazaxıstan prezidenti Nursultan Nazarbayev Xəzəryanı ölkələrin dövlət başçılarının sammitinin Aktau şəhərində keçiriləcəyini açıqlayıb.

 

Həmçinin yoxlayın

ETTELAAT məmurları azərbaycanlı milli fəal Saleh Molla Abbasinin evinə hücum edib

GADTB-nin Mətbuat Mərkəzinə daxil olan məlumata görə, İranın ETTELAAT İdarəsinin məmurları sentyabrın 25-də Güney Azərbaycan …

Molla rejiminin Ərdəbildə yaxaladığı azərbaycanlı milli fəallardan xəbər yoxdur

GADTB-nin Mətbuat Mərkəzinə daxil olan məlumata görə,  irqçi fars rejimin Ərdəbildə yaxaladığı azərbaycanlı milli fəallardan …

Bir cavab yazın