Bazar ertəsi , Yanvar 17 2022
azfa

Ruzbeh Piri qardaşının işgəncə edilməsini ifşa etdiyi üçün prokurorluğa çağrıldı

GADTB-nin Mətbuat Mərkəzinə daxil olan məlumata görə, azərbaycanlı milli fəal Ruzbeh Piri qardaşı Yaşar Pirinin işgəncə edilməsini ifşa etdiyi üçün rejimin Təbrizdəki prokurorluğuna çağrıldı.

Türk fəal bununla bağlı aprel ayının 3-də Təbriz şəhərinin Ümumi və İnqilab Prokurorluğunun 16-cı şöbəsinə çağırılıb.

Rejimin əlaltısı olan hakim Musəvi Ruzbeh Piriyə “İnstagram” səhifəsində qardaşının vəziyyəti barədə yaydığı məlumata görə “Sistemə qarşı təbliğat aparmaq” və “Yalan məlumatlar yaymaq” ittihamları irəli sürüb. Daha sonra isə şərlədikləri fəalın müvəqqəti zaminə buraxılması üçün 80 milyon tümən girov təyin edib.

Qeyd edək ki, Yaşar Piri fevralın 21-də mülki geyimli məmurlar tərəfindən yaxalanmışdı. Yaxalanan zaman, eləcə də təcridxanada işgəncələrə məruz qalıb və döyülüb.

Azərbaycanlı fəal sağlıq durumunun ağır olduğu üçün 3 gün təcridxanada saxlanıldıqdan sonra 50 milyon tümən girov qarşılığında zaminə buraxılıb və Təbrizin “İmam Rza” xəstəxanasına köçürülmüşdü. Yaşar Piri işgəncələr nəticəsində ağciyər və böyrəklərindən ağır xəsarət almışdı.

Yaşarın qardaşı Ruzbeh Piri isə bu barədə sosial şəbəkədə bir neçə məlumat paylaşmışdı.

Həmçinin yoxlayın

İranın qərbində 50-dən çox şəhərdə davamlı partlayış səsləri; İsrailmi hücum etdi

GADTB-nin Mətbuat Mərkəzinə daxil olan məlumata görə, yanvarın 15-i, şənbə günü axşam saatlarında İranın qərb …

Türkiyənin Mosuldakı hərbi bazası raket atəşinə tutuldu

GADTB-nin Mətbuat Mərkəzinə daxil olan məlumata görə, İraqın Mosul şəhərinin şimal-şərqindəki Zlikandakı türk hərbi bazası …