“SoloTürk” Britaniyada ən yaxşı solo uçuşu mükafatına layiq görüldü

GADTB-nin Mətbuat Mərkəzinə daxil olan məlumata görə, Türkiyənin “SoloTürk” qırıcılar qrupu Böyük Britaniyada “Reaktiv təyyarədə ən yaxşı solo uçuş” mükafatına layiq görülüb.

Bu barədə Türkiyə Baş Qərargahı məlumat yayıb.

Belə ki, “SoloTürk”ün çıxışı Ferford hərbi bazasında təşkil edilən “Royal İnternəşnl Air Tattoo-2018” (RIAT) adlı aviaşou çərçivəsində baş tutub.

Aviaşouda dünyanın bir çox ölkələrindən gəlmiş qırıcılar iştirak ediblər.

Qeyd edək ki, “SoloTürk” qırıcı qrupu 2011-ci ildə Türkiyə Hərbi Hava Qüvvələrinin 100 illiyi münasibətilə yaradılıb.