GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, 2020-ci il 24 mayda Güney Azərbaycanın Sulduz şəhərində 2006-cı il May qiyamında Azərbaycan türklərinin rejim tərəfindən şəhid edilən övladlarının məzarı üstündə anım mərasimi keçirilib.
Mərasim rejimin təhlükəsizlik orqanlarının ciddi maneə törətməsinə baxmayaraq baş tutub. Azərbaycanlı milli fəallar Seyid Musa Ziya, Əli Hacməhəmmədi, Vəli Azəriun və başqaları hədələnmişdir. Lakin bütün bu hədələrə baxmayaraq anım mərasimi baş tutub.
Qeyd edək ki, 2006-cı il mayın 24-də Cənubi Azərbaycanın müxtəlif şəhərlərində azərbaycanlılar irqçi fars rejimin Azərbaycan türk millətini təhqir etdiyi üçün mitinqlər keçirilirdi. Rejimin qüvvələri Təbriz, Urmiya və Xiyavda keçirilən mitinqləri atəşə tutdu.
Bunun davamında Sulduzda əhali geniş mitinqlərə davam edirdi və terrorçu sepahın komandanları Hobbi, Rzazadə və Zibainin birbaşa göstərişi ilə əhalinin Sulduzdakı dinc mitinqi gülləboran edildi. Nəticədə çox sayda azərbaycanlı, o cümlədən təkcə Sulduzda Tohid Azəriun, Hümmət İsmzadə, Hüseyn Fəthipur və Əsgər Qasimi şəhid edildi.
