Suriya qoşunları Haseke və Qamışlıda yerləşdiriləcək

GADTB: Suriya daxili təhlükəsizlik qüvvələri ölkənin şimal-şərqində yerləşən Haseke və Qamışlı şəhərlərində yerləşdiriləcək. Bu barədə “Əl-İxbariyə” telekanalı məlumat yayıb.

Belə ki, bu barədə qərar Dəməşqdə Suriya Prezidenti Əhməd əş-Şara ilə “Suriya Demokratik Qüvvələri”nin (SDQ) komandanı arasında aparılan danışıqların nəticəsində qəbul olunub.

Telekanalın məlumatına görə, tərəflər bütün cəbhələrdə hərbi əməliyyatların dayandırılması və silahlı dəstələrin ölkənin şimal-şərqindəki şəhərlərdən çıxarılması barədə razılığa gəliblər.

Gələcəkdə SDQ üzvləri hökumət qoşunlarına və güc strukturlarına inteqrasiya olunacaq. Bu proses hər iki tərəfin maraqlarını nəzərə alan plana uyğun həyata keçiriləcək.