GADTB Güney Azərbaycan Demokratik Türk Birliyi
GADTB: Qətliamla etirazları yatıran molla rejimi ciddi iqtisadi çöküşlə üzləşir. İran rialı növbəti dəfə dəyər itirərək tarixi minimum səviyyəyə düşüb. İran mediasının məlumatına görə, Tehranın sərbəst valyuta bazarında ABŞ dollarının qiyməti etirazlardan sonra ilk dəfə 150 min tüməni keçib. Bu, İran iqtisadiyyatı üçün yeni və təhlükəli rekord hesab olunur.
Eyni gün ölkədə qızıl bazarında da kəskin bahalaşma qeydə alınıb. Belə ki, hər bir qızıl sikkənin qiyməti 180 milyon tümənə çatıb. Müşahidəçilər bu kəskin artımı ölkədə dərinləşən siyasi və hərbi narahatlıqlarla əlaqələndirirlər.
Məlumata görə, ölkə daxilində misli görünməmiş repressiyalar və kütləvi insan itkilərindən sonra ABŞ-nin mümkün hərbi müdaxiləsi ilə bağlı qorxular cəmiyyətdə ciddi təşviş yaradıb.
