Suriyada kürd məsələsi ABŞ-Türkiyə danışıqları başladı

Türkiyə rəsmi Vaşinqtonla Suriyadakı bufer zonalar və kürdlərin taleyini müzakirə edir. Bu barədə Türkiyənin XİN rəhbəri Mövlud Çavuşoğlu məlumat verib.

Nazir bildirib ki, əsas müzakirə mövzusu kürdlərlə bağlıdır. Söhbət ABŞ-ın öz müttəfiqi, Türkiyənin isə terrorçu hesab etdiyi qruplaşmalardan gedir.

Çavuşoğlu qeyd edib ki, o, ABŞ dövlət katibi Mayk Pompeo ilə danışıqlarda kompromisin əldə edilməsinə çalışacaq.

Nazir vurğulayıb ki, təhlükəsizlik zonası terrorizmlə mübarizə üçün olduqca vacibdir. Baxmayaraq ki, ABŞ Türkiyənin Suriya ərazisində kürd birləmələrinə qarşı əməliyyatdan çəkinməyə çağırır.

Təxmin olunur ki, Suriyada Türkiyə sərhədindən 30 km məsafədə bufer zona yaradılacaq.