Təbrizdə tibb işçiləri etiraz aksiyası keçiriblər

GADTB-nin Mətbuat Mərkəzinə daxil olan məlumata görə, dünən Təbrizdə bir qrup tibb işçisi etiraz aksiyası keçirib.

Etirazçılar aprelin 12-də Şərqi Azərbaycan valiliyinin binası qarşısına toplaşaraq, 5 aydır əmək haqlarının ödənilməməsinə etirazlarını bildiriblər.

Etiraz aksiyası edən tibb işçiləri podratçı şirkətlər tərəfindən müvəqqəti müqavilələrlə işə götürüldüklərini deyiblər.

Tibb işçiləri iş vəziyyətlərinin qeyri-müəyyən olduğunu bildirərək, əmək şəraitlərinin dəyişdirilmədiyini bildiriblər.

Qeyd edək ki, Təbrizdə bu neçənci dəfədir ki, Tibb işçiləri narazı olduqları və vəziyyətlərinin ağır olması ilə bağlı etiraz aksiyası keçirirlər. Lakin hələ də onların problemləri həll edilməyib.