GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Təbrizdə azərbaycanlı gəncin həbsindən 100 gün keçir.
Azərbaycanlı gənc Mirəkbər Hüseyni Təbrizin mərkəzi zindanında qeyri-müəyyən vəziyyətdə həbsdə saxlanılır.
Məlumata görə, onun döyülərək həbs edilməsindən bir neçə ay keçməsinə baxmayaraq, barəsində irəli sürülən ittihamlar və həbsinin səbəbləri haqda açıqlama verilmir.
Bildirilib ki, bu müddət ərzində fəal bir neçə dəfə saxta etiraf vermək üçün işgəncəyə məruz qalıb, ailəsi ilə görüş və telefon əlaqəsinə isə qadağa qoyulub.
Qeyd edək ki, Mirəkbər Hüseyni martın 24-də telefon vasitəsilə SEPAH-ın təhlükəsizlik idarəsinə çağırılıb və ora getdikdən sonra həbsə atılıb.
