GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, dünən Təbrizdə etiraz edən tibb işçiləri təhdid mesajları ilə hədələniblər.
Narazı tibb işçiləri maaşlarının aşağı olmasına və yüksək inflyasiya ilə bağlı məişət vəziyyətlərinin pis olmasına, eləcə də həddən artıq ağır iş şəraitlərinə etiraz ediblər.
Lakin bu haqlı etirazdan sonra Təbrizdə narazı tibb işçilərinə rejim tərəfindən təhdid mesajları göndərilib. Bununla bağlı narazı tibb işçilərindən biri səs yazısı paylaşıb.
Mesajda etirazları davam etdirəcəkləri halda onlara qarşı tədbir görüləcəyi və cəza tədbiri kimi maaşlarından vəsait tutulacağı ilə bağlı xəbərdarlıq edilib.
