GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Təbrizdə Traktor zavodunun motor istehsalatı bölməsinin işçilərinin etirazı 4 gündür davam edir. Onlar hüquqlarının tanınmadığı və onlara təminat verilmədiyi üçün tətil aksiyasına davam etdirlər.
Zavodun işçiləri noyabrın 17-də tətil aksiyalarının dördüncü günüdə zavodda toplaşaraq etirazlarını bildiriblər. Onlar əmək haqqının sabit ödənişlərlə deyil, iş sifarişinə uyğun olaraq artırılmasını, vəzifə təsnifatlarının tətbiqini, müvafiq və yenilənmiş məhsuldarlıq haqlarının ödənilməsini, sığorta məsələsində problemlərin həlli ilə bağlı tələblərini yenidən gündəmə gətiriblər.
İşçilər zavod müdiriyyəti və vilayət rəhbərliyinin zavoda gəlib onların tələblərinin həllinə təminat vermələrini istəyiblər.
