Təbrizdə molla rejimin qüvvələri Pəyman Keşavərz Nəzərlunu (Nadarlı) həbs edib

GADTB: “Traxtur” futbol komandasının sabiq oyunçusu, hazırda isə “Akademi Kia” klubunda çıxış edən Peyman Keşavərz Nəzərlu (Nadarlı) 1404-cü ilin 1 bəhmən tarixində Təbriz şəhərində Kəşfiyyat Nazirliyinin qüvvələri tərəfindən saxlanılıb.

Məlumata görə, saxlanıldığı gündən bu günə qədər idmançı ilə ailəsi arasında yalnız qısa bir telefon danışığı baş tutub. Onun saxlanma yeri, sağlamlıq və hüquqi durumu, irəli sürülən ittihamlar və vəkilə çıxış imkanları barədə isə hər hansı rəsmi məlumat yayılmayıb.

Məlumatın olmaması və əlaqənin məhdudlaşdırılması ailə üzvləri və yaxınlarında ciddi narahatlıq yaradıb.