GADTB-nin Mətbuat Mərkəzinə daxil olan məlumata görə, Təbrizdə “İran Şokolat” fabrikinin işçiləri hüquqlarının pozulmasına görə etiraz aksiyası keçiriblər.
Dekabrın 22-i günorta saatlarında Təbrizin “Ali Nəsəb” şəhərciyində yerləşən “İran Şokolat” (Çiçək) fabrikinin işçiləri etiraza başlayıblar. İşçiləri narazı salan onların əmək haqqı məsələsi və hüquqlarının pozulmasıdır.
Fabrikin binası qarşısına toplaşan işçilər əmək haqının gecikdirilməsinə və ağır iş şəraitinə etiraz ediblər. Etirazçılar daimi iş təminatlarının olmamasına da etirazlarını bildiriblər.