Təbrizdə vəkillər etiraz aksiyası keçirib

GADTB-nin Mətbuat Mərkəzinə daxil olan məlumata görə, sentyabrın 13-də Şərqi Azərbaycan Vəkillər Birliyinin bir qrup üzvü Təbrizdə etiraz aksiyası keçirib.

Azərbaycanlı vəkillər İran parlamentinin vəkillərin fəaliyyət icazələri ilə bağlı yeni qərarına etiraz ediblər.

Mitinqdə nümayiş etdirilən plakatlarda “Vəkillər birliyinin müstəqilliyi millətin əsas hüquqlarını təmin edir”, “Vəkillər birliyinin müstəqilliyi = ədalətli məhkəmə sistemi” kimi şüarlar yazılıb.

Qeyd edək ki, parlamentin yeni qərarına əsasən, vəkillik icazəsinin verilməsi hüquqşünas assosiasiyalarından alınaraq, İqtisadiyyat və Maliyyə Nazirliyinin alt qrumlarına veriləcək.