Tehranda azərbaycanlı öyrənci fəalı həbs edildi

GADTB-nin Mətbuat Mərkəzinə daxil olan məlumata görə, Tehranda yaşayan öyrənci hərəkatı fəalı Yaşar Tohidi iyunun 7-də barəsində çıxarılan həbs cəzasını çəkmək üçün Tehranın Evin zindanına aparılıb.

Azərbaycanlı öyrənci fəalı Tehran İnqilab Məhkəməsi tərəfindən “Marsksist cərəyanlara üzv olmaqla ölkənin milli təhlükəsizliyinə qarşı çıxmaq” ittihamı ilə 3 il 5 ay həbs cəzasına məhkum edilib.

Qeyd edək ki, Yaşar Tohidi 23 iyun 2021-ci ildə İranın ETTELAAT İdarəsinin məmurları tərəfindən yaxalanaraq Evin həbsxanasının təhlükəsizlik orqanının nəzarətində olan təcridxanasına köçürülüb.

Azərbaycanlı öyrənci fəalı 12 gün dindirildikdən sonra 500 milyon tümən girov qarşılığında müvəqqəti olaraq məhkəməyə qədər zaminə buraxılmışdı. O, bundan öncə də dinc fəaliyyətlərinə görə dəfələrlə həbs və təzyiqlərlər qarşılaşmışdır.

Həmçinin yoxlayın

Zərşuran kəndində əhali etiraza qalxıb

GADTB-nin Mətbuat Mərkəzinə daxil lan məlumata görə, Qərbi Azərbaycan əyalətinin Zərşuran kəndində azərbaycanlı əhali martın …

İran Araz çayının radiasiya ilə çirklənməsini inkar edir

GADTB: “Arsheh Online” saytı xəbər verir ki, Araz çayı çirklənib və Ərdəbil əyalətin xərçəng xəstəliyinə …