GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, terrorçu sepah və molla rejimi İran adlanan ölkədə əhalini koronavirus bəlasına düçar etdikdən sonra indi də onsuz da cinayətkar Əsədi dəstəkləyib hakimiyyətdə saxlamaqla yarım milyon müsəlmanın qanını tökdükdən sonra bu dəfə koronavirusu Suriyaya da saldı. Artıq Suriyada Bəşər Əsəd rejiminə dəstək verən 10 iranlı döyüşçüdə yeni tip koronavirus aşkarlanıb.
Suriyanın yerli mediasının yazdığına görə, virus şübhəliləri Suriyada Rusiya, İran və Bəşər Əsəd rejiminə sadiq qüvvələrin ortaq istifadə etdiyi qərargahda aşkar olunub. Viruslu əsgərlər paytaxt Dəməşqdə karantinə alınıb.
Qərargah binası təxliyə olunub.
Qeyd edək ki, Türkiyə Silahlı Qüvvələrinin Suriyanın İdlib şəhərində həyata keçirdiyi “Bahar qalxanı” əməliyyatı nəticəsində çox sayda itki verən Bəşər Əsəd rejiminə dəstək olmaq üçün İrannın terrorçu İnqilabı Korpusu Keşikçiləri (SEPAH) Suriyaya yüzlərlə sepah terrorçusunu göndərib.
