Tiflisidə Azərbaycan türkcəsinə həsr edilmiş “Ana dilim” layihəsinin təqdimatı keçirilib

GADTB-nin Mətbuat Mərkəzinə daxil olan məlumata görə, Gürcüstanın paytaxtı Tiflisidə Azərbaycan türkcəsinə həsr edilmiş “Ana dilim” adlı sosial çarxın təqdimatı keçirilib.

Görkəmli Azərbaycan şairi Bəxtiyar Vahabzadənin eyniadlı şeiri əsasında hazırlanmış sosial çarxda Azərbaycan dilinin Gürcüstanda yaşayan azərbaycanlılar arasında yaşadılması, gələcək nəsillərə təbliğ edilməsi hədəflənib. 8 dəqiqəlik çarxda müxtəlif yaş qrupları və sosial təbəqələrdən olan 31 azərbaycanlı B. Vahabzadənin “Ana dilim” şeirini səsləndirib. Layihənin rəhbəri Samirə Bayramova bildirib ki, video çarxın səhnələrinin çəkildiyi ərazilər də xüsusi həssaslıqla seçilib və bu ərazilər Gürcüstanda Azərbaycnlıların tarixən mövcud olduğu və qədim dövrlərdən bəri iz qoyduğu məkanlardır.

“Bu video çarx vasitəsi ilə Ana dilimizin qorunmasına və yerli azərbaycanlılar arasında təbliğinə, gələcək nəsillərin də bu dili qoruyub saxlamasına töhfə verməyə çalışmışıq. Videoçarxda eyni zamanda bizim tariximiz, keçmişimiz, milli kimliyimiz tərənnüm edilib. Şeirlərin səsləndirildiyi səhnələr də xüsusi həssaslıqla seçilib və bu yerlər azərbaycanlıların tarixi ilə sıx bağlıdır. Müxtəlif yaş qruplarından və sosial təbəqələrdən insanları bu layihəyə cəlb etməklə çalışmışıq göstərək ki, milli məsələlərdə hamı bir olmalıdır”,- deyə S. Bayramova bildirib.

Layihə iştirakçıların şəxsi vəsaiti hesabına 2 ay ərzində ərsəyə gətirilib. Təqdimat mərasimində Tiflisidə oxuyan azərbaycanlı tələbələr, gənclər, icma nümayəndələri və ziyalılar iştirak edib.

Həmçinin yoxlayın

Sayın Mikayil Oytadan orman yanğınları ilə bağlı Türkiyə böyük elçisinə başsağlı məktubu

GADTB-nin Mətbuat Mərkəzinə daxil olan məlumata görə, Avstraliya-Azərbaycan Assosasiyası prezidenti, Güney Azərbaycan Demokratik Türk Birliyi …

İran rejiminin Təbrizdə yaxaladığı Şəhruz Bərzgər vəsiqə qarşılığında zaminə buraxıldı

GADTB-nin Mətbuat Mərkəzinə daxil olan məlumata görə, Şəhruz Bərzgərin bacısı Şadi Bərzgərin özünün İnstagram səhifəsində …

Bir cavab yazın