GADTB Güney Azərbaycan Demokratik Türk Birliyi
GADTB: ABŞ prezidenti Donald Tramp Tehranın yeddi günlük atəşkəs təklifini rədd edib. Bu barədə “The Wall Street Journal” qəzeti ABŞ rəsmilərinə istinadən məlumat yayıb.
Məlumata görə, regional vasitəçilər, o cümlədən Qətər tərəfindən irəli sürülən plana əsasən, İran dəniz hücumlarını dayandırmalı və Hörmüz boğazının fəaliyyətini bərpa etməli, bunun müqabilində isə ABŞ İrana qarşı dəniz blokadasını aradan qaldırmalı, neft satışına icazə verməli və dondurulmuş İran aktivlərinin bir hissəsini sərbəst buraxmalı idi.
Qəzetin yazdığına görə, Tramp Tehranın Vaşinqtonun şərtlərini qəbul edəcəyinə şübhə ilə yanaşır və iqtisadi blokadanı aradan qaldırmaq niyyətində deyil. ABŞ prezidenti hesab edir ki, davamlı təzyiq Tehranı nüvə proqramının ləğvini nəzərdə tutan sazişi imzalamağa məcbur edə bilər.
