Türk ordusu 90 məntəqəni kürd terrorçularından azad etdi

GADTB-nin Mətbuat Mərkəzinə daxil olan məlumata görə, Türkiyə Silahlı Qüvvələri Afrinin şimal-şərqindəki Uverkan kəndini terrorçulardan azad edib. Həmçinin Türkiyə ordusu Afrinin şimal-qərbindəki Qarababa kəndini də terror qruplaşmalarından azad edib. Ümumiyyətlə bu gün səhər saatlarında daha 3 yaşayış məntəqəsi PYD və YPG terrorçularından azad edilib.
Suriyanın Afrin bölgəsində davam edən “Zeytun budağı” əməliyyatı çərçivəsində Türkiyə Silahlı Qüvvələri tərəfindən azad edilən yaşayış məntəqələrinin sayı 90-a çatıb.
Afrin əməliyyatının 33-cü günündə Türkiyə Silahlı Qüvvələri və ASO düzənlik ərazilərdə irəliləməyə davam edib. Türk ordusunun Gülbaba düzündəki Darmık dağında yerləşdirilən tank və artilleriya qüvvələri terrorçulara ağır zərbələr endirib.
Məlumata görə, endirilən zərbələrlə Darmık dağının arxasındakı terrorçu mövqeləri darmadağın edilib, bundan sonra ordu irəliləməyə davam edib.
Qeyd edək ki, Türkiyə “Zeytun budağı” əməliyyatında 1780 terrorçunun zərərsizləşdirildiyini açıqlayıb.