Çərşənbə axşamı , Aprel 29 2025
azfa

Türkiyə Antarktidada elmi baza qurmağa çalışır

GADTB-nin Mətbuat Mərkəzinə daxil olan məlumata görə, Türkiyə 2019-cu ildə Antarktidada elmi baza qurmağı planlaşdırır.

AZƏRTAC xəbər verir ki, Türkiyə Prezidenti Rəcəb Tayyib Ərdoğan bu barədə tvitter səhifəsində yazıb. O qeyd edib ki, Antarktidada artıq 30 ölkənin obyektləri var.

Türkiyə Prezidentinin sözlərinə görə, ölkəsi Antarktidada elmi stansiyaya malik deyil, amma 2019-cu ildə vəziyyət dəyişəcək. Gələn il Antarktidada elmi baza quraşdırılacaq.

Xatırladaq ki, Türkiyə 1959-cu ildə Vaşinqtonda imzalanan Antarktida haqqında Müqavilənin iştirakçılarından biridir. Müqaviləyə əsasən, cənub qütb zonasında yalnız elmi fəaliyyətə icazə verilir. Hazırda Rusiya, ABŞ, Çin, Yaponiya, Yeni Zelandiya və Avropa ölkələri də daxil olmaqla, 50-dən artıq ölkə müqavilənin iştirakçısıdır.

Soyuq qitədə təxminən 90 daimi və mövsümi qütb stansiyası fəaliyyət göstərir.

 

Həmçinin yoxlayın

Muğanda azərbaycanlı ailə öz övladına “Güntay” adına doğum şəhadətnaməsi ala bilmir

GADTB: Güney Azərbaycanın Muğan bölgəsində azərbaycanlı ailə öz pvladına “Güntay” adına doğum şəhadətnaməsi ala bilmir. …

Molla rerjimin həbs etdiyi azərbaycanlı fəal Kərim İsmailzadənin həyatı təhlükədədir

GADTB: irqçi fars-molla rejimin həbs etdiyi azərbaycanlı fəal Kərim İsmailzadənin həyatı təhlükədədir. Azərbaycanın tanınmış hüquqşünas …

Bir cavab yazın