Türkiyə may ayı ərzində 81 PKK terrorçusunu məhv etdi

GADTB-nin Mətbuat Mərkəzinə daxil olan məlumata görə, Türk ordusu may ayında həyata keçirilən antiterror əməliyyatlarında 10-u dırnaqarası yüksək səviyyəli terrorçu 81 terrorçu zərərsizləşdirilib.

Türkiyə daxili işlər nazirinin müavini İsmail Çataklı terrora qarşı mübarizədə may ayına dair məlumat paylaşıb.

Daxili təhlükəsizlik əməliyyatları daxilində kənd ərazilərində may ayında 11 min 36, şəhərlərdə fəaliyyət göstərən terror təşkilatlarının hücrə təşkilatlanmalarına qarşı da min 51 əməliyyat həyata keçirilib.

Əməliyyatlarda 10-u dırnaqarası yüksək səviyyəli 81 terrorçu zərərsizləşdirilib. Bunlardan 64-ünün bölücü terror təşkilatı PKK/KCK, 17 nəfərinin isə DEAŞ terror təşkilatının üzvü olduğu müəyyən edilib.

15 terror aktının qarşısı alınıb və təşkilatın hərəkət etməsinə icazə verilməyib.