GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Türkiyə Daxili İşlər Nazirliyi tərəfindən Şırnaqda “Eren Kış-1” əməliyyatı başladılıb.
Əməliyyatda 1550 nəfərlik şəxsi heyət iştirak edir.
Türkiyə DİN-dən bildirilib ki, Şırnaq Jandarma Bölgə Komandanlığının rəhbərliyi altında keçirilən əməliyyatda Jandarma Komando, Jandarma Özəl Hərəkatı (JÖH), Polis Özəl Hərəkatı (PÖH) və Təhlükəsizliyi Mühafizə qruplarından ibarət 121 əməliyyat qrupu yer alıb: “Əməliyyatın başladılmasında məqsəd PKK terror təşkilatını ölkə gündəmindən çıxarmaq və bölgəyə sığınan terrorçuları zərərsizləşdirməkdir. Ölkədə terroru tamamilə aradan qaldırmaq üçün həyata keçirilən “Eren Kış-1″ əməliyyatı əzm və müvəffəqiyyətlə davam edir”.
