GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Afinada Türkiyəyə qarşı 6 ölkə bir araya gəlir.
Bunu Yunanıstan Baş naziri Kiriakos Mitsotakis deyib. O bildirib ki, Türkiyə və Yunanıstan arasında keçirilən tədqiqat görüşlərinin növbəti mərhələsi fevralın sonu və ya martın əvvəlində Afinada baş tutacaq.
Müzakirələr barədə danışan Miçotakis Afinada keçiriləcək görüşü “doğru istiqamətdə yaxşı bir addım” adlandırıb.
Digər tərəfdən, gələn həftə Afinada Cənubi Kipr, Misir, Səudiyyə Ərəbistanı, Birləşmiş Ərəb Əmirlikləri, Yunanıstan və Bəhreyn xarici işlər nazirlərinin iştirakı ilə görüşün keçirilməsi planlaşdırılır.
Qeyd edək ki, sözügedən ölkələr Aralıq dənizinin şərqi ilə bağlı mübahisələrdə Türkiyəyə qarşı Yunanıstanı dəstəkləyirlər.
