GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Türkmənsəhra İnsan Haqları Kampaniyası fəalı Sadıq Rəcəbian Təmək, video yaymaqla irqçi fars rejimin azərbaycanlı milli-mədəni fəal Abbas Lisaniyə qarşı çıxardığı 15 illik ədalətsiz həbs, 2 il sürgün qərarının rejimin Ali Məhkəməsinin təsdiq etməsini kəskin şəkildə pisləmişdir.
Sadıq Rəcəbian Təmək Abbas Lisaniyə qarşı çıxarılan ədalətsiz həbs qərarının beynəlxalq insan hüquqları konvensiyalarına zidd olduğunu bildirərək deyib: “Bu qanunsuz məhkəmə qərarı beynəlxalq hüquq normalarına ziddir. Hesab edirik ki, İran Məhkəmə Sistemi azərbaycanlı milli-mədəni fəal Abbas Lisanini və digər siyasi məhbusları qeydsiz-şərtsiz azadlığa buraxmalıdır”.
Qeyd edək ki, irqçi fars rejim azərbaycanlı milli-mədəni fəal Abbas Lisanini şərləyib və 15 il həbs, iki il sürgünə məhkum edib. Rejimin Ali Məhkəməsi isə rejimin Ərdəbildə yerləşən Apelyasiya Məhkəməsinin həmin qərəzli qərarını qüvvədə saxlayıb. Bu isə haqlı olaraq Azərbaycan türklərinin və insan haqları fəallarının etirazı ilə qarşılaşmışdır.
