GADTB Güney Azərbaycan Demokratik Türk Birliyi
GADTB: İranda davam edən enerji çatışmazlığı üzündən Sofian şəhərinin elektrik stansiyası bağlandı.
Məlumata görə, Şərqi Azərbaycan əyalətinin Sofian şəhərinin elektrik stansiyası qaz çatışmazlığına görə bağlanıb.
Stansiyasının direktoru Əlirza Tağızadə məlumatı təsdiq edib.
“Sofian stansiyanın nominal gücü 100 meqavatdır və hər birinin gücü 25 meqavat olan dörd elektrik istehsal vahidindən ibarətdir. Hazırda bu stansiya elektrik şəbəkəsinin tələbatını ödəyə bilmir və fəaliyyəti dayandırılıb. Əslində, bu stansiya yanacaq çatışmazlığı səbəbindən bağlanan ondan çox elektrik stansiyasından biridir”,- o bildirib.
Ölkənin müxtəlif mənbələri elektrik enerjisi istehsal edən stansiyaların 80-90 faizinin təbii qazdan asılı olduğunu bildirirlər. Bu rəqəmlər ölkənin elektrik enerjisi istehsalı üçün təbii qaza ciddi şəkildə bağlı olduğunu göstərən əhəmiyyətli bir göstəricidir.
Qeyd edək ki, bir müddət əvvəl də Şərqi Azərbaycanın Heris şəhərində elektrik stansiyası fəaliyyətini dayandırmağa məcbur olub.
Elektrik Stansiyasının bağlanması bölgə əhalisinin elektrik enerjisi təminatında problemlər yaradıb, bir sıra istehsal müəssisələri bu səbəbdən zərər edib.
