GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Ukrayna müharibənin 174-cü günü üçün Rusiya ordusunun itkiləri haqda məlumatı yeniləyib. Bu barədə Ukrayna Baş Qərargahı məlumat yayıb.
Bildirilib ki, Rusiya indiyə qədər 43 900 hərbçi, 1 880 ədəd tank, 4152 ədəd zirehli döyüş maşını, 989 ədəd artilleriya sistemi, 263 ədəd RYAS (reaktiv yaylım atəş sistemi), 136 hava hücumundan müdafiə sistemi, 233 ədəd hərbi təyyarə, 196 ədəd helikopter, 3049 ədəd avtomobil texnikası, 790 ədəd PUA, 190 qanadlı raket, 15 gəmi/qayıq, 92 xüsusi avadanlıq itirib.
Həmçinin Krımın Cankoy rayonunun Qalay (Azov) kəndində Rusiyaya məxsus hərbi hissə Ukrayna tərəfindən vurulub. Bu barədə Krım Tatarları Məclisinin sədri Refat Çubarov məlumat yayıb.
“Müvəqqəti olaraq işğal olunmuş Krımdan xəbər verirəm: Cankoy vilayətinin Qalay (indiki Azov) kəndində rusların hərbi hissəsinə uğurlu zərbə endirilib. Partlayış səsləri bir saat ərzində eşidilirdi”, – Çubarov bildirib.
O əlavə edib ki, zərbələr hərbi sursat anbarlarına dəyib.
Bundan başqa Mayskoe kəndindəki yarımstansiyada da yanğın baş verib.
