Ukrayna Türk Şurasında müşahidəçi olmaq istəyir

GADTB-nin Mətbuat Mərkəzinə daxil olan məlumata görə, Ukrayna Türk Şurasında müşahidəçi statusu almağa cəhd edir.

Bu barədə Ukrayna Xarici İşlər nazirinin birinci müavini Əminə Caparova “Demirörən” agentliyinə müsahibəsində deyib.

Millət vəkili Türk Şurası ilə Ukrayna arasında tarixi əlaqələrin olduğunu bildirib. O, Ukraynanı türk mədəniyyətinin varisi adlandırıb.

Qeyd edək ki, Ukrayna türklərin qədim yurdlarından Dəşti Qıpçaq ərazisində meydana gəlib və oranın əhalisinin əksəri də assimilyasiyaya uğramış türklərdən ibarətdir. Eyni zamanda Krım tatarlarının ana yurdudur.